|
ഫര്‍ള്വ്‌നിസ്‌കാരങ്ങള്‍ക്ക്‌ മുമ്പും ശേഷവുമുള്ള സുന്നത്ത്‌ നിസ്‌കാരങ്ങള്‍ എവിടെ വെച്ച്‌ നിര്‍വ്വഹിക്കുന്നതാണ്‌ ഏറ്റവും ഉത്തമം? പ്രസ്‌തുത സുന്നത്ത്‌ നിസ്‌കാരങ്ങള്‍ പള്ളിയില്‍ വെച്ച്‌ നിര്‍വ്വഹിക്കുന്നതിനേക്കാള്‍ ഏറ്റവും ഉത്തമം വീട്ടില്‍ വെച്ച്‌ നിസ്‌കരിക്കലാണ്‌ (തുഹ്‌ഫ, ബിഗ്‌യ). വീട്ടിലേക്ക്‌ മാറ്റിയാല്‍ പ്രസ്‌തുത സുന്നത്ത്‌ നിസ്‌കാരം മുടങ്ങുമെന്ന ധാരണയുണ്ടായാല്‍ പള്ളി തന്നെയാണ്‌ ഉത്തമം. |
Monday, 6 January 2014
ഫര്‍ള്വ്‌നിസ്‌കാരങ്ങള്‍ക്ക്‌ മുമ്പും ശേഷവുമുള്ള സുന്നത്ത്‌ നിസ്‌കാരങ്ങള്‍
റൗളാ ശരീഫിലേക്ക്‌ നോക്കിയിരിക്കല്‍
|
തിരുനബി (സ) യുടെ റൗളാ ശരീഫിലേക്ക്‌ നോക്കിയിരിക്കല്‍ ഇബാദത്താണെന്ന
വാദത്തിന്‌ വല്ല പിന്‍ബലവുമുണ്ടോ?
തീര്‍ച്ചയായും ഉണ്ട്‌. കഅ്‌ബാ ശരീഫിലേക്ക്‌ നോക്കിയിരിക്കല്‍ ഇബാദത്തായത്‌ പോലെ നബി (സ) യുടെ റൗളാശരീഫിലേക്ക്‌ നോക്കിയിരിക്കലും ഇബാദത്താണ്‌. (സുബ്‌ലുല്‍ ഹുദാ 12/400). |
നബി (സ) തങ്ങളുടെ വഫാത്തിന്റെ ദിനത്തെ കുറിച്ച്‌ വേദക്കാര്‍ക്കും മറ്റും വിവരമുണ്ടായിരുന്നോ?
|
നബി (സ) തങ്ങളുടെ വഫാത്തിന്റെ
ദിനത്തെ കുറിച്ച്‌ വേദക്കാര്‍ക്കും മറ്റും വിവരമുണ്ടായിരുന്നോ?
നബി (സ) യുടെ വിശേഷണങ്ങള്‍ തൗറാത്തിലും മറ്റും വ്യക്തമായി പറഞ്ഞിട്ടുണ്ട്‌. അതെല്ലാം സാധാരണക്കാര്‍ക്ക്‌ അവരുടെ പണ്‌ഡിതര്‍ മറച്ചുവെച്ചിരുന്നു. നബി (സ) തങ്ങളുടെ ചിത്രം പോലും അവര്‍ക്ക്‌ വ്യക്തമായി അറിഞ്ഞിരുന്നുവെന്നാണ്‌ ചരിത്രം. അതില്‍ പെട്ടതാണ്‌ നബി (സ) തങ്ങളുടെ വഫാത്തിന്റെ ദിനവും. വഫാത്ത്‌ തിങ്കളാഴ്‌ചയായിരിക്കുമെന്ന്‌ അവര്‍ക്ക്‌ വ്യക്തമായി അറിയാമായിരുന്നു. ഇമാം ബുഖാരി (റ) ജരീര്‍ ബ്‌നു അബ്‌ദുല്ലാഹിയില്‍ നിന്നും ഉദ്ധരിക്കുന്ന ഒരു ഹദീസ്‌ ഇതിലേക്കാണ്‌ വിരല്‍ ചൂണ്ടുന്നത്‌. അദ്ദേഹം പറയുന്നു ഞാന്‍ യമനിലായിരുന്നപ്പോള്‍ യമന്‍കാരായ രണ്ട്‌ പേരെ കാണാനിടയായി. അവരോട്‌ നബി (സ) യെ സംബന്ധിച്ച്‌ ഞാന്‍ പറഞ്ഞു കൊണ്ടിരുന്നു. അവരില്‍ പെട്ട അംറ്‌ എന്ന വ്യക്തി എന്നോട്‌ പറഞ്ഞു: നീ പറയുന്നത്‌ സത്യമാണെങ്കില്‍ താങ്കളുടെ കൂട്ടുകാരന്റെ ആയുസ്സ്‌ മൂന്ന്‌ ദിവസം മുമ്പ്‌ കഴിഞ്ഞുപോയി. കഅ്‌ബ്‌ ബ്‌നു അദിയ്യ്‌ (റ) നെ തൊട്ട്‌ ഉദ്ധരണം: നൈസാബൂര്‍കാരുടെ കൂടെ ഞാനും നബി (സ) യുടെ അടുക്കലേക്ക്‌ എത്തി. ഞങ്ങള്‍ ഇസ്‌ലാം മതം സ്വീകരിച്ച്‌ നാട്ടിലേക്ക്‌ തിരിച്ചെത്തി. അധികം താമസിയാതെ തിരുനബി (സ) യുടെ വഫാത്തിന്റെ വിവരമാണ്‌ ഞങ്ങള്‍ക്ക്‌ കേള്‍ക്കാന്‍ കഴിഞ്ഞത്‌. എന്റെ കൂടെയുണ്ടായിരുന്ന എല്ലാവരും ദീനിന്‌ പുറത്തായി. തിരുനബി (സ) പ്രവാചകനാണെങ്കില്‍ മരിക്കുകയില്ലെന്നായിരുന്നു അവരുടെ നിലപാട്‌. നബി (സ) ക്ക്‌ മുമ്പ്‌ പല പ്രവാചകന്മാരും ഉണ്ടായിരുന്നതും അവര്‍ക്ക്‌ മരണം സംഭവിച്ചതും അവരുടെ മുമ്പില്‍ ഞാന്‍ പറഞ്ഞുനോക്കി. പക്ഷെ, ഫലം ഉണ്ടായില്ല. ഞാന്‍ ഇസ്‌ലാമില്‍ തന്നെ അടിയുറച്ച്‌ നിന്നു. പിന്നീടൊരിക്കല്‍ മദീന ലക്ഷ്യമാക്കി ഞാന്‍ യാത്രയായി. ഇടക്ക്‌ വെച്ച്‌ ഒരു പുരോഹിതനുമായി കണ്ടുമുട്ടി. ബൈബിളിന്റെ ഏതാനും ഭാഗങ്ങള്‍ അദ്ദേഹം മറിച്ചു കാണിച്ചു തന്നു. ഞാന്‍ കണ്ടതുപോലെ തന്നെ നബി (സ) യുടെ വിശേഷണങ്ങള്‍ അതില്‍ പ്രതിപാദിച്ചിരിക്കുന്നു. ആ ഏടുകളില്‍ നബി (സ) യുടെ വഫാത്ത്‌ ദിനം രേഖപ്പെടുത്തിയിരുന്നു. ഇത്‌ കണ്ട എന്റെ ഈമാന്‍ വര്‍ദ്ധിക്കുകയാണുണ്ടായത്‌. (സുബ്‌ലുല്‍ ഹുദാ 12/268. |
ആദം നബിക്ക്‌ സുജൂദ്‌ ചെയ്യാന്‍ മലക്കുകളോട്‌ കല്‍പിക്കപ്പെട്ടതെന്ന്‌ ഏതെങ്കിലും ഗ്രന്ഥത്തില്‍ പ്രതിപാദിച്ചിട്ടുണ്ടോ?
|
നബി (സ) യുടെ പ്രകാശം ആദം നബി (അ) യുടെ
നെറ്റിത്തടത്തിലുണ്ടായിരുന്നത്‌ കൊണ്ടാണ്‌ ആദം നബിക്ക്‌ സുജൂദ്‌ ചെയ്യാന്‍
മലക്കുകളോട്‌ കല്‍പിക്കപ്പെട്ടതെന്ന്‌ ഏതെങ്കിലും ഗ്രന്ഥത്തില്‍
പ്രതിപാദിച്ചിട്ടുണ്ടോ?
നിരവധി ഗ്രന്ഥങ്ങളില്‍ ഈ വിഷയം പ്രതിപാദിച്ചിട്ടുണ്ട്‌. യൂസുഫുന്നബ്‌ഹാനിയുടെ ജവാഹിറുല്‍ ബിഹാര്‍ 2/310 ലും ഇമാം സര്‍ഖാനിയുടെ ശര്‍ഹുസ്സര്‍ഖാനി 1/122 ലും ഇത്‌ കാണാവുന്നതാണ്‌. |
കറവക്കാരന്‍ നഖം വെട്ടല്‍ സുന്നത്തുണ്ടോ?
കറവക്കാരന്‍ (വളര്‍ത്തുമൃഗങ്ങളുടെ
പാല്‍ കറക്കുന്നയാള്‍) നഖം വെട്ടല്‍ സുന്നത്തുണ്ടോ?
നഖം കൊണ്ട്‌ മൃഗത്തിന്‌ ബുദ്ധിമുട്ടാകാതിരിക്കാന്‍ കറവക്കാരന്‍ നഖം വെട്ടല്‍ സുന്നത്താണ്‌. ഇമാം അദ്‌റഈ (റ) പറയുന്നു: നഖങ്ങള്‍ വളരെ നീളുകയും അത്‌ മുഖേന ബുദ്ധിമുട്ടുണ്ടാവുകയും ചെയ്‌താല്‍ നഖം വെട്ടാതെ പാല്‍ കറക്കല്‍ അനുവദനീയമല്ല. ഇതാണ്‌ മുഗ്‌ നിയിയില്‍ പ്രസ്‌താവിച്ചത്‌.
നഖം കൊണ്ട്‌ മൃഗത്തിന്‌ ബുദ്ധിമുട്ടാകാതിരിക്കാന്‍ കറവക്കാരന്‍ നഖം വെട്ടല്‍ സുന്നത്താണ്‌. ഇമാം അദ്‌റഈ (റ) പറയുന്നു: നഖങ്ങള്‍ വളരെ നീളുകയും അത്‌ മുഖേന ബുദ്ധിമുട്ടുണ്ടാവുകയും ചെയ്‌താല്‍ നഖം വെട്ടാതെ പാല്‍ കറക്കല്‍ അനുവദനീയമല്ല. ഇതാണ്‌ മുഗ്‌ നിയിയില്‍ പ്രസ്‌താവിച്ചത്‌.
Subscribe to:
Posts (Atom)